Laascanood (Halbeegnews)– Waxaa caawa fiidkii weerar banbaano gacmeed ah lala beegsaday guriga uu degenyahay maayorka cusub ee magaalada Laascanood Mudane Faarax Cabdi Cismaan (Faarax Yare) sidasina waxaa Halbeegnews goor dhawayd khadka telefoonka ugu xaqiijiyey badhasaabka gobolka Sool Mudane Maxamuud Jeenayare.

“Abaaro 09:00 fiidnimo ayey ahayd waxay ahayd banbaadda nooca gacanta laga tuuro, marka cid wax ku noqotay ma jirto, marka laga reebo askari faliidh yar gallay mooye, dayrka guriga ayaa inyar dhaawac soo gaadhay” ayuu yidhi Badhasaabka gobolka Sool Jenayare

Badhasaabku wuxuu sheegay inay ciidamadda Booliisku ku jiraan baadhitaan la xidhiidha ciddii falkani ka danbaysay mar aanu weydiinay in falkani uu la xidhiidhinayo arrintii maayorkii xilka iska casilay Badhasaabku wuu ka gaabsaday inuu wax faahfaahin ah ka bixiyo

Halbeegnews, Laascanood

halbeegnet@gmail.com