Hambalyo !  Hambalyo!  Hambayo

Musharaxa Madaxawaynaha Xisbiga UCID

Mr. Jamal Cali Xuseen

 Ururka Kulan  UK Organisation wuxuu Hambalyo Diiran u dirayaa Aqoonyahan /Musharax  Jamal Ali Huseen oo si sharaf leh Xisbiga UCID  ugu doorteen Musharaxa  Madaxweynaha Cusub ee 5 sano ee soo socota. wuxuu ururka Kulan Organisation uu Hambalyo labaad u dirayaa Bahweynta Xisbiga UCID   guusha weyn ee u soo hoyatey ka dib markii ay doorteen aqoonyahan da’a yar oo Siyaasi cusub ah oo aan lahayn boog siyaasadeed iyo baal madow.

Xisbiga UCID waa xisbi Bahweyn ah oo u taagan  Cadaalada,Sinaanta, amniga,demuqraadiyada  iyo qaranimada Somaliland, Jamalna  waa nin dhalinyaro ah oo aqoonyahan ah oo saaxibo badan kuleh Dunida dacaladeeda, wuxuuna si fudud Somaliland ugu xidhi karaa Dunida ay taladu ka go’do  maadaama uu ka soo shaqeeyey 12 dawladood oo Caalamka ah.

Jamaal Waa siyaasi cusub, kaa soo isticmaali doona  Istiraajiyad cusub oo uu Caalamka kaga iibin doono Somaliland qadiyadeeda si Ictiraaf buuxa loo helo mustaqbalka dhaw, loona  maalgashado  kheyraadkeeda dihin ee dalkeena ku keydsan. Jamaal wuxuu xanbaarsanyahay aqoon qoto dheer oo uu ka soo dheegay wadamadii badnaa ee uu ka soo shaqeeyey gaar ahaana Wuxuu aqoon dheeraad ah u leeyahay  cilmiga dhaqaalaha iyo Maalgashiga waxaana  uu si dhakhso ah  kor ugu soo qaadi karaa kobcinta dhaqaalaha Somaliland . Waxaana uu si fudud  Shaqo ugu abuuri karaa Dhalinyarada Somaliland ee ay Shaqo la’aantu ragaadisey.

Jamaal waa nin noloshiisa gaadhsiiyey meel aad u sareysa. waxaana uu doorbidey in uu wadankiisa u shaqeeyo oo uu wax la taaban karo ku soo kordhiyo Marka waqtigu uu u saamaxo.  Taas oo ku tuseysa in uu Jamaal Ali yahay Nin Wadani ah oo raxiim ah.

Musharaxnimada Jamal waxaa  Hore u taageeray  aqoonyahano farabadan oo isugu jira Qurbe joog iyo Qol-Qol joog reer Somaliland ah iyo dhamaan dhalinyarada reer Somaliland, waxaana ay isku raaceen in uu Jamaal yahay Musharaxii ummada Somaliland ay inta Badan ay sugayeen..

Jamal Ali Huseen waa Iftiin Cusub / Weji Cusub oo u soo baxay Xisbiweynaha UCID , Dhalinyaradda  iyo  dhamaan reer Somalilandba. Waxaanu  kula dardaarmeynaa dhalinyarada iyo dhamaan reer Somalilandba  in ay Gacmo furan ku soo dhaweeyaan musharaxa dhalinyarada ah. Waxaan ku soo Gebagebeynayaa Waa Ururka Kulan Organisation oo Leh, Hambalyo- Hambalyo Jamal Ali Huseen  iyo Bahweynta Xisbiga UCID . Alleh ha idinku  garab Galo hawsha adag ee idiin taala.

Amiin-Amiin. ——————–Amiin-Amiin

Xoghayaha  guud ee KULAN UK

Xassan Ibrahim Ahmed